Fampianarana

Vatsim-pianarana Mpianatra 21 hihazo an’i Maraoka

Fampianarana
Alakamisy 26 Desambra 2019

Hanovo fahalalahana any Maroc ireo mpianatra mendrika miisa 21 tamin`ny bakalorea teknika 2018 nanerana an’i Madagasikara.

Andiany faharoa ireto mpianatra ireto ka hianatra mandritra ny roa taona izy ireo mba hahazoany ny mari-pahaizana “Technicien supérieur”. Tafiditra indrindra ao anatin’ny fiaraha-miasa eo amin’ny firenena Marokana sy Malagasy ny fampiroboroboana ny fampianarana teknika sy ny fanofanana arak’asa moa izy ity. Ny minisitry ny fanabeazam-pirenena, ny fampianarana teknika sy arak’asa, Marie Thérèse Volahaingo, dia nanome toky azy ireo fa hiahy azy ireo mandritra ny fotoana handrantoany fianarana any ivelany.

Marigny A.