Fampianarana

Partagé sur :
• facebook

Tsy mety mivaha ny olan'ny Sendikan'ny mpampianatra-mpikaroka sy mpikaroka-mpampianatra na ny SECES. Manamafy ny fitakiany ny ora fanampiny na

Heures complémentaires ny SECES Sampana Antananarivo ny alatsinainy teo, miampy ireo zo sy tambin-karama hafa mbola tsy voaloa. Manamafy ny any Fianarantsoa, izay nanatanteraka fivoriambe niarahan'ny mpanpianatra-mpikaroka rehetra, tsy an-kanavaka, izay
miasa eo anivon 'ny oniversiten'i Fianarantsoa ny Seces Sampana Fianarantsoa ny 31 jolay 2023, fa miankina amin'ny hamalian'ny fitondram-panjakana ny itakiana rehetra nataon'ny SECES izay voarakitra 40 anatin'ny fehin-kevitra nivoaka nandritra ny Filan-kevi-pirenena notanterahina ny 8 sy 9 jona 2023 lasa teo no hamaranany ity taom-pianarana. 2022-2023 ity. Aoka tsy holotoina ny anaran'ny Seces raha toa sanatria ka misy mpampianatra-mpikaroka na mpikaroka-mpampianatra manao ny tsy mety amin'ny anarany manokana, fa rehefa vandana dia kary, hoy izy ireo. Nampahafantatra ny tompon'andraikitra isan-tsokajiny sy ny fitondrana mahefa ny SECES Sampana Fianarantsoa fa raha tsy misy ny vahaolana mahafa-po sy maharitra mandritra ity herinandro itsahintsika ity dia hiroso amin'ny fampiatoana ny asa fampianarana sy asa
fikarohana ny mpampianatra-mpikaroka miasa eo anivon'ny oniversiten'i Fianarantsoa. Efa karazan'ny tapitra ny fe-potoana ! Olana mandavan-taona ny eny amin'ny oniversitem-panjakana, lasibatra ny mpianatra,... Inona marina no tsy hamahana ny olana sa hovonoina tanteraka ny oniversitem-panjakana Tsy mba tsapan'ny mpitondra ve ny manjo ny zanaky ny Malagasy madinika satria ny any oniversite tsy miankina malaza na any ivelany Foana ve ny kitapombolam-panjakana ka ny mpamatsy solika ny Jirama tsy mahazo vola, ny mpampianatra-mpikaroka mandavan-taona ny fitakiany saingy tsy aloa ny valin-katsembohany,...
Toky R
 

Tia Tanindrazana

Samia mijoro ho an'i Gasikara.