Fampianarana

Taranja Anglisy eny amin’ny Lisea Hiova ny fandaharam-pianarana

Fampianarana
Alarobia 09 Aogositra 2017

Ho fidirana mian-dalana mankany amin’ny drafi-panabeazana vaovao (PSE) dia hiova tanteraka ny fandaharam-pianarana ho an’ny taranja Anglisy manomboka amin’ny taom-pianarana vaovao ho avy io.

Ireo mpianatra eny anivon’ny lisea no tena voakasik’izany. Raha araka ny fantatra mantsy dia fandaharam-pianarana efa tamin’ny taona 1996 no mbola hampiasaintsika hatramin’izao ho an’ity taranja iray ity. Omaly no nampahafantarana tamim-pomba ôfisialy ny boky mirakitra io fandaharam-pianarana vaovao io tetsy amin’ny Ministeran’ny Fanabeazam-pirenena etsy Anosy, niarahana niasa tamin’ny tamin’ireo mpampianatra eny ifotony avy amin’ny sekoly miankina sy tsy miankina amin’ny fanjakana ary ireo mpampianatra mpilatsaka an-tsitra-po avy ao amin’ny “Corps de la paix”. Ny mba hamporisihina ireo ankizy mpianatra hahay sy hahafehy ny teny Anglisy sy fiseraserana amin’ny alalan’io tenim-pirenena vahiny iray io aorian’ny fahavitan’ny fianarany eny anivon’ny lisea no tena tanjona amin’izany na koa hahafahany mitady asa avy hatrany ho an’ireo tsy afaka manohy ny fianarany intsony. Narahina fanolorana mari-pankasitrahana ho an’ireo mpampianatra avy amin’ny sekoly tsy miankina izany noho ny ezaka nataon’izy ireo niaraka tamin’ny Ministera.

Pati