Fampianarana

Sekoly tsy miankina Miandry izay fanapahan-kevitry ny minisitera hatrany

Fampianarana
Talata 24 Oktobra 2017

Tsy hiova amin’ny baikon’ny minisiteran’ny fanabeazana azony ny ankamaroan’ireo sekoly tsy miankina eto amintsika na dia nandray fanapahan-kevitra aza ny sekoly katolika fa hiverina hianatra avokoa rahampitso alarobia.

Ho an’ny sekoly tsy miankina La Prime etsy Anosibe manokana dia nambaran’ny taleny, Ramatoa Rasolondriana Lanto fa tsy sekolim-pinoana izy ireo ka tsy afaka ny hiditra ho mpikambana eo anivon’ny DIDEC velively. Noho izany, tsy maintsy miandry ny fanapahan-kevitry ny minisitera. Efa namaly ihany ny minisitra Paul Rabary tao anaty tambajotran-tserasera saingy nijanona ho an’ny sekoly katôlika irery izany fa tsy ho an’ny rehetra, hoy izy. Nomarihiny fa na dia te-hianatra aza izy ireo dia tsy afaka ny hanao fanadinam-panjakana mitokana toy ny CEPE, ohatra, fa tsy maintsy miandry ny daty havoakan’ny minisitera hatrany. Nisy ny dinika notanterahin’ny minisiteran’ny fahasalamam-bahoaka niaraka tamin’ireo sekoly katolika omaly folakandro nanomezana toromarika ireto farany ny amin’izay fepetra tokony horaisiny hisorohana ny mety ho fiparitahan’ny valanaretina pesta.

Pati