Fampianarana

Sekoly any ambanivolo Maro ny mpianatra mbola mipetraka amin’ny tany

Fampianarana
Alarobia 09 Mey 2018

Mbola betsaka amin’ireo sekoly any amin’ny toerana lavitra andriana amin’izao no tsy manana dabilio hampiasaina fa mipetraka amin’ny tany ny mpianatra.

Ireo sekolim-panjakana no tena voakasik’izany. Misy ihany koa anefa ireo manana dabilio ihany saingy efa tena antitra toy ny ao amin’ny EPP Antarandolo Fianarantsoa ka ahiana handratra ankizy. Ny ankizy anefa no ho avin’ny firenena, antony nanosika an-dRtoa Ramarosoa Philippe, talem-paritry ny Airtel any an-toerana hanampy ireo mpianatra ao amin’ity EPP iray ity.Tonga nanolotra dabilio am-polony maro niaraka tamin’ny kojakoja maro samihafa toy ny seza sy latabatra hampiasain’ny mpampianatra izy ireo omaly, natrehin’ny lehiben’ny fari-piadidiam-pampianarana ao Fianarantsoa sy ireo tompon’andraikitra isan-tsokajiny any an-toerana. Nambaran-dRtoa Ramarosoa Philippe nandritra izany fa zon’ny ankizy ny hianatra sy hampiasa fitaovana manara-penitra noho izany mendrika izany ny mpianatra rehetra. Tanjon’ity orinasam-pifandraisana iray ity ny hanampy sy hijery ireo ankizy madinika, indrindra fa ireo sahirana ara-pivelomana.

Pati