Fampianarana

Sekoly ambony UPRIM Mpianatra 500 latsaka no niatrika “soutenance” omaly

Fampianarana
Alarobia 19 Jona 2019

Mpianatra 500 latsaka no niatrika “soutenance” omaly teo anivon’ny sekoly ambony UPRIM. Mpianatra nanaraka ny fampianarana hampitain-davitra avokoa izy ireo raha ny fantatra ary havoaka ny 13 Jolay ho avy izao.

Efa mpiasam-panjakana avokoa ny ankamaroan’izy ireo ka maniry ny hampitombo diplaoma mba hahafahana manatsara ny karama raisiny isam-bolana raha araka ny fanazavan-dRakotovaoarison Haingo Nadia. Isaky ny sabotsy hariva izy ireo vao mamonjy regroupement any am-pianarana manontany ny mpampianatra ireo lesona tsy azony… raha boky kosa no vidiana isam-bolana miankina amin’ny lalam-piofanana arahina. Misy hatramin’ny fahazoana ny mari-pahaizana Master II moa ny fampianarana hampitain-davitra ho an’ny sekoly ambony UPRIM raha manomboka amin’ny taona voalohany izany. Ny lalam-piofanana gestion et management, communication et droit, commerce et marketing no hahafahana manao izany raha tsy maintsy hatrehina any anaty sekoly kosa ny lalam-piofanana paramédicaux.

Pati