Fampianarana

Sekoly ambony UPRIM Hiitatra hatrany Kaomoro

Fampianarana
Alatsinainy 10 Jolay 2017

Tontosa soa aman-tsara ny sabotsy teo teny amin’ny Village Voara Andohatapenaka ny fankalazana ny fahafolo taona niorenan’ny sekoly ambony UPRIM.

Tsy natao handalo fotsiny izany raha araka ny fanazavan’ny sekretera jeneraliny Rakotovaoarison Haingo Nadia noho ireo ezaka vitan’ny sekoly hatramin’izay. Marobe ireo mpianatra efa navoaka, hoy izy, izay ahitana olona ambony mitana andraikitra eto amin’ny firenena mipariaka hatrany ivelany. Betsaka ihany koa ny zava-bita toy ny fananganana ireo UPRIM dimy any amin’ny faritra, ny complexe universitaire manara-penitra naorina etsy Andavamamba …Manaporofo izany fa matanjaka ny sekoly ambony UPRIM izay mbola ezahina hiparitaka hatrany Diégo sy Toliara ao anatin’ny folo taona ho avy raha toraka izay koa ny any amin’ny Nosy rahavavy Kaomoro. Tsiahivina moa fa nahatratra 3.000 ireo olona nasaina tamin’io fetin’ny UPRIM notanterahina ny sabotsy teo, narahina hetsika ara-kolontsaina sy ara-panatanjahantena maro samihafa. Nisy ihany koa ny fanolorana diplaoma ho ana mpianatra vitsivitsy.

Patty