Fampianarana

Sekoly ambony UPRIM Amin’ny 8 novambra ny fidirana

Fampianarana
Sabotsy 04 Novambra 2017

Ny alarobia 8 novambra ho avy izao no hiditra amim-pomba ofisialy ny sekoly ambony UPRIM amin’ity taom-pianarana 2017-2018 ity.

Voakasik’izany avokoa ireo karazana lalam-piofanana miisa dimy ao aminy toy ny gestion et management, ny commerce et marketing, ny droit, ny communication ary ny paramédicaux. Tamin’ity herinandro ity vao tonga marobe nisoratra anarana ny mpianatra, hoy Rakotovaoarison Haingo Nadia, tompon’andraikitra voalohany eo anivon’ny UPRIM noho ny ahiahian’ireo ray aman-drenin’ny mpianatra ny amin’ny daty tena hidirana marina sy ny mety tsy hisian’ny taom-pianarana noho ny aretina pesta. Marihina fa amin’ny volana desambra ho avy izao no hivoaka ny andiany voalohany amin’ireo mpianatra niofana ho mpitsabo mpanampy sy mpampivelona nanaraka ny lalam-piofanana paramédicaux eo anivon’ity sekoly ambony iray ity. Ny maripahaizana licence no hatolotra azy ireo ary afaka miasa avy hatrany ny mpianatra. Efa nahazoan’ny sekoly fankatoavana avy amin’ny fanjakana moa ny maripahaizana hatolotra sady eken’ny minisiteran’ny asa sy ny fananan’asa ihany koa.

Pati