Fampianarana

SEKOLY AMBONY IST Miezaka manome vahana ny voka-pikarohana

Fampianarana
Alarobia 14 Jona 2017

Fomba fiasan’ny sekoly ambony IST ( Institut Supérieur de Technologie) eto Antananarivo nanomboka tamin’ny 2016 ny

fanamafisana sy fanatsarana kokoa sy hatrany ny voka-pikarohana ho an’ireo mpampianatra mpikaroka ao aminy. Amin’ny alalan’ny fihaonany mivantana amin’ireo mpandraharaha sy mpiara-miombon’antoka aminy no hanatanterahiny izany raha eo ihany koa ny fihaonana eo amin’ny samy mpampianatra, raha araka ny fanazavan-dRakotomalala Jean Lalaina, tale jeneralin’ity sekoly ambony iray ity. Nampiavaka ny tamin’ity taona ity raha araka ny fanazavana hatrany ny fisian’ilay fifanakalozan-kevitra sy fanomezam-baovao eo amin’ny lafin’ny fikarohana niarahana tamin’ireo mpiara-miombon’antoka. Anisan’izany ny ministera, ny orinasa, ny AFD…Nomarihiny manokana moa fa tsy mionona fotsiny amin’ny fikarohana ny IST fa miezaka mampihatra ilay drafitra momba tetikasa ihany koa mba hampidi-bola eo amin’ny tontolon’ny fikarohana sy ny fampianarana. Notanterahina omaly tetsy Antaninarenina ny andro natokana ho an’ny fikarohana andiany faharoa amin’ity taona 2017 ity, notanterahin’ny sekoly ambony IST sy ireo mpiara-miombon’antoka aminy.

Pati