Fampianarana

Sekoly ambony GSI Namoaka teknisianina 150 mianadahy

Fampianarana
Sabotsy 09 Jona 2018

Namoaka mpianatra 150 mianadahy indray ny sekoly ambony GSI. Emergence na Fisandratana no anarana nisaloran’izy ireo, notolorana ny mari-pahaizana Diplômes de technicien superieur sy ny Licence

misandrahaka amina lalam-piofanana dimy dia ny tourisme voyage et hôtellerie, ny informatique de gestion, ny multimédia et communication ary ny management des affaires. Nosafidiana manokana ny anarana nisaloran’izy ireo mba hanainga ny hambom-pon’izy ireo. Misy ny pays émergent ka ho anisany ihany koa i Madagasikara amin’ny alalan’ireto tanora nahazo mari-pahaizana ireto, hoy ny filoha mpanorina ny GSI Atoa Randrianaivo Geremioh. Nisy ny antso avo natao tamin’ny fanjakana nandritra izany mba hanampiana ny oniversite tahaka azy ireo toy ny fanalefahana ny vola aloa amin’ny fampidirana fitaovana ohatra entina hanasoavana ny tanora Malagasy. Ho an’i Andry Ramaroson, mpandraharaha ary ray mpiahy ny andiany Emergence, dia nilaza ny hanampy ireto mpianatra vao nivoaka ireto ny tenany amin’ny alalan’ny “coaching” ary raha tsara ny tetikasa kasain’izy ireo hatao dia vonona ny hanohana ara-bola mihitsy izy. Tsiahivina fa sekoly ambony efa nahazo fankatoavana avy tamin’ny fanjakana ny oniversite GSI.