Fampianarana

Sekoly ambony GSI Namoaka mpianatra 200 mianadahy

Fampianarana
Alatsinainy 29 Mey 2017

Namoaka mpianatra 200 mianadahy ny zoma lasa teo ny sekoly ambony GSI etsy Antaninarenina.

Ny 100 tamin’ireo no notolorana ny mari-pahaizana Diplôme de technicien Supérieur raha nahazo ny licence kosa ny 100 ambiny. “Fanilo” no anarana nampisalorana azy ireo izay teo ambany fiahian’ny tale jeneralin’ny orinasa La gastro pizza Razafindraibe Landry. Fantatra fa horaisin’ity orinasa iray ity hianatr’asa sy hiasa ao aminy avokoa ny ampahany amin’ireto mpianatra navoaka ireto izay hita fa tena niezaka tsara. Efa afaka miatrika asa avy hatrany mantsy izy ireo raha mety tsara amin’ny orinasa ihany koa ireo lalam-piofanana efatra narahiny dia ny Multimédia et communication, ny management des affaires, ny management du BTP ary ny informatique de gestion. Tafiditra ao anatin’ny fankalazana ny faha-15 taona nijoroan’ny sekoly ambony GSI izao hetsika famoahana andiana mpianatra izao.

Pati