Fampianarana

Sekolim-panjakana Efitrano fianarana 476 no hatsangana amin’ity taona ity.

Fampianarana
Zoma 19 Jona 2020

EPP 30 isa, CEG 08 ary liseam-panjakana 06 no natsangana ny taona 2019. Tanjona ho amin’ny taona ity dia EPP manarapenitra 30 no hatsangana. Ny Distrika 119 manerana ny nosy koa dia hananganana efitrano fianarana (salle de classe) efatra avy.

Izany hoe 476 efitrano fianarana no hatsangana ihany koa amin’ity taona ity. CEG valo sy lisea enina vaovao ihany koa no hatsangana amin’ity taona ity. Hotohizana ny fandraisana ho mpampianatra raikitra ireo mpampianatra FRAM. Miova tanteraka ny fijerin’ny governemanta raha ny fampianarana satria hametraka lalantsaina miainga amin’ny fanorenana sekoly fa tsy lakilasy fotsiny. Ezahina ny hahatonga ny zaza malagasy farany izay betsaka hiditra an-tsekoly amin’ny alalan’ny fampihenana ny elanelan’ny toeram-pianarana sy ny toeram-ponenana.

Marigny A.