Fampianarana

Resabe momba ny laza adina BEPC Manazava ny minisitra Paul Rabary

Fampianarana
Alarobia 12 Jolay 2017

Nivoaka tamin’ny fahanginana omaly ny minisitra Paul Rabary manoloana ilay feo mandeha fa mpampianatra ambony latabatra no nanao ny laza adina BEPC, antony tena nahasarotra ireo taranja sasany fa tsy mpampianatra tena mpanome lesona ny ankizy.

Nambarany fa rehefa mpampianatra dia mitovy avokoa. Ny olana eto amintsika dia efa zatra tandrametaka fa tsy mieritreritra izay tena hahatsara ny sehatry ny fanabeazana intsony, hoy izy. Manana adidy amin’ny fanitsiana izany anefa izahay minisitera noho ny fihenan’ny fari-pahalalan’ny mpianatra. Tsy ekena intsony ny fizarana fahatany ny diplaoma fa izay tena mahay ihany no tokony ho afaka. Ekena fa latsaky ny 50 % avokoa ny vokatra nivoaka tamin’ny fanadinana BEPC nanomboka omaly saingy aleo mahita ankizy vitsivitsy afaka fa tena mahay, toy izay be tsy handraofana. Nomarihiny manokana moa fa nisy ihany ny zavatra kely niova nandritra iny fanadinana BEPC farany teo iny. Tsy niditra tamin’ny fifanentanana ny laza adina ireo tompon’andraikitra eo anivon’ny minisitera iadidainy fa ireo teknisiana ihany no nanao azy, fanatsarana izay nambarany fa mankany amin’ny fampiharana ilay drafitra vaovao momba ny fanabeazana, na ny PSE.

Pati