Fampianarana

Ray aman-dreny tsy afaka mandoa ekolazy lafo Hijoro hanampy azy ireo ny CNTEMAD

Fampianarana
Zoma 20 Jolay 2018

Betsaka ireo ray aman-dreny tsy afaka mandoa saram-pianarana lafo intsony amin’izao noho ny fahasarotan’ny fiainana.

Tafiditra ao anatin’izany ireo efa afa-panadinana Bakalôrea voatery mijanona tsy fidiny ny ankamaroany, antony mahatonga ireo 13 % monja afaka manohy ny fianarany eny amin’ny anjerimanontolo. Hanampy ireo 77 % ambiny sy ireo ray aman-dreniny mihitsy no antom-pijoroan’ny sekoly ambony Cntemad. Nampitomboana ny trano fianarana etsy Ankadifotsy, izay notokanana omaly. Ahitana rihina efatra izy io, izay mitentina 60 tapitrisa Ar, vokatry ny ezaky ny sekoly irery ihany.Nambaran’ny tale nasionalin’ny sekoly Atoa Djohary Andrianambinina fa ny mba hahafahana mampitombo isa ny tahan’ireo zaza Malagasy tafiditra an-tsekoly no tanjona, indrindra fa ireo efa afa-panadinana Bakalôrea. Nohamafisiny fa tsy misy fifaninanana miditra ao aminy, afaka mianatra any an-trano ihany koa ny ankizy mpianatra sady manao zavatra hafa, fotodrafitrasa ezahina haparitaka manerana ny distrika 119 eto amintsika. Tonga nanatrika ny lanonana teny an-toerana Rtoa Rasoazananera Monique, minisitry ny fampianarana ambaratonga ambony sy ny filohan’ny Antenimierandoholona Rivo Rakotovao. Miisa 44 ny ivontoeran’ny CNTEMAD ankehitriny.

Pati