Fampianarana

Rafi-panabeazana vaovao Tsy vahaolana mahomby, hoy ny filohan’ny Aneffa

Fampianarana
Zoma 25 Aogositra 2017

Na faran’izay raitra aza ny fandaharam-pampianarana hajoro eo amin’ny tontolon’ny fanabeazana amin’io taona ho avy io dia tsy hampahomby na inona na inona, hoy ny fanazavan’ny filohan’ny Aneffa na ilay fikambanan’ireo mpampianatra fram,

Elidio Randrianjafy, rehefa tsy tsara tohana ireo mpanabe. Tsy mifantoka ny mpampianatra rehefa enjehin’ny tompon-trosa isan’andro. Ny ankamaroan’izy ireo mantsy dia voatery midi-trosa noho ny karama tsy ampy. Na eo amin’ny lafiny ara-pitaovana koa aza dia tsy misy firy intsony amin’izao, ohatra, ny boky vaovao. Mampiady amin’ny mpiara-mikambana ao anaty Aneffa mihitsy ankehitriny ny fampanantenana tsy nisy tanteraka nataon’ny fanjakana izay nahatonga anay nitokona efa hatramin’ny taona 2016, hoy izy. Manahy fitotonganan’ny vokatra isan-taona ny tenany. Hopotehina ve ny zaza Malagasy sa atao fotsiny izay hahazoana vola any amin’ny mpamatsy ?

J. Mirija