Fampianarana

Paul Rabary Mamitaka ny fahaizan’ny ankizy amin’izao

Fampianarana
Alakamisy 31 Aogositra 2017

Mila avahana ny taham-pahafahana sy ny fari-pahaizan’ny ankizy, hoy ny minisitry ny fanabeazam-pirenena,

Paul Rabary, raha nandiso ny filazana famariky ny fidinan’ny fahaizan’ireo mpianatra ny taham-pahafaham-panadinam-panjakana nihena tamin’ity taona ity. Isika tsy natao hamokatra mpianatra mpanao tsianjery fa olona manana fahafaha-mandinika sy mamakafaka. Izany no antony nahatonga ilay fanapahan-kevitra hanajanona amin’izay ny fanaovana “cours” eny amin’ireo sekolim-panjakana. Tsy efa naman’ny fangalarana ve ny karazana laza adina maromaro hanazarana ireo mpianatra ? Manantena izy avy eo fa hitovitovy amin’iny ihany no hitranga any amin’ny fanadinana. Tany amin’ny Cisco Tsihombe, ohatra, izay nahitana taham-pahafahana BEPC 88% sy ny teto Antananarivo izay nahitana taha 48% dia sahiko ny milaza fa nahay kokoa ilay teto Antananarivo. Rehefa hiakatra eny amin’ny anjerimanontolo ireo mpianatra dia tena manahirana ny fahaizan’ny mpianatra amin’izao.

J. Mirija