Fampianarana

Oniversiten’Antananarivo Tsy manaiky fanakorontanana

Fampianarana
Zoma 18 Mey 2018

Nanoloana ny zava-nitranga teny amin’ny oniversiten’Antananarivo eny Ankatso ny alarobia teo nandritry ny fakan’ireo depioten’ny fanovana sy ny vahoakany ireo mpiasa sy mpianatra teny an-toerana mba andeha hitolona ka nisiana fanipazana « Cocktail molotov » avy amina mpikarama an’ady hanakorontana dia nanamafy omaly ny avy eo anivon’ny anjerimantolo fa tsy hanaiky fanakorontanana.

Efa nisy mpianatra 2 nanana karatra maha mpianatra voarohirohy izay tratra nitondra vato tanaty kitapo nosamborin’ireo mpitandro ny filaminan’ny oniversite, hoy ny fanazavana. Fifanajana anaty fanabeazana aloha no vaindohan-draharahan’ny oniversite ka tsy mbola hivoaka amin’ny faritry ny oniversite ny fanadihadiana. Tsy mbola nisy fitoriana nalefa any amin’ny fitsarana hatreto, hoy ny mpitondra tenin’ny oniversiten’Antananarivo, Andriamiandravola, ary raha misy aza angamba izany dia mikasika ilay « Cocktail molotov ». Nohamafisiny fa manaja ny fahalalahana ny oniversite saingy tokony hisy hatrany ny fifampiresahana am-panajana mialoha ny hidiran’olon-kafa tsy miasa sy mianatra ao ho fanajana ny atao hoe « Franchise universitaire ».

J . Mirija