Fampianarana

Oniversiten’Antananarivo Niara-nitokona avokoa ny mpianatra, mpampianatra, mpandraharaha

Fampianarana
Zoma 29 Jona 2018

Niara-nitokona nanomboka omaly ireo mpianatra, mpampianatra, mpandraharaha, mpampianatra mpikaroka eny amin’ny anjerimanontolo.

Niato tanteraka ny fampianarana noho ny tsy fihainoan’ny fanjakana azy ireo mikasika ireo zony efa voafaritry ny lalàna. Anisan’ireny ny fahataran’ny fanampiana omen’ny fanjakana ny oniversite antony mahatara lava ny fandoavana ny karaman’ireo mpampianatra, ny mpandraharaha, ireo mpikaroka efa misotro ronono. Tsy latsa-danja amin’izay ny vatsim-pianaran’ny mpianatra. Mikasika ity farany dia nambaran-dRtoa Faniry Herinaivo, mpikambana eo anivon’ny sendikan’ny mpitsara eto Madagasikara fa vatsim-pianarana efa noraisiny tamin’ny 21 taona lasa ihany no mbola raisin’ireo mpianatra eny amin’ny anjerimantolo ankehitriny ka tena tsy rariny intsony. 30.000 Ar no sora-bola efa noraisiny tamin’izany, ary tsy mbola misy fiovana mandraka ankehitriny nefa tsy hahafahan’ireo mpianatra mividy fitaovam-pianarana ara-dalàna intsony. Nilaza moa ny filohan’ny SECES Sampana Antananarivo, Dr Sammy Gregoire fa raha toa ka tsy mihaino ny fangatahan’izy ireo ny fanjakana dia haharitra herinandro ity fitokonana eny amin’ny anjerimanontolo ity. Omaly anefa dia efa re fa nisy olona tonga nizara vola teny an-toerana mba handravana ny hetsiky ny mpianatra.

Pati