Fampianarana

Oniversiten’Ankatso Trano an’arivony manodidina azy no ahiana harodana

Fampianarana
Sabotsy 21 Aprily 2018

Miaina anaty tebiteby tanteraka ireo mponina an’arivony monina manodidina ny Oniversiten’Antsako amin’izao fotoana izao. Raha araka ny fanazavan’Atoa Andrianjato John solontenan’ireo mponina eny an-toerana mantsy dia kasain’ny oniversite alaina indray ireo tany ivelan’ny efa nofaritany raha efa nisy ny délimitation nataon’ireto farany tamin’ny taona 2013.

Nanao délimitation vaovao indray anefa ny oniversité ny taona 2016 lasa teo ka fantatra tamin’izany fa tokantrano marobe no voakasika manomboka eny Ankatso, Antsahamamy, mandalo Ambolonkandrina ka hatrany Andohanimandroseza. Kasain’ny filohan’ny oniversité zaraina amin’ireo mpampianatra eny an-toerana ireo tany ireo hoy hatrany ny mponina koa hangatahin’izy ireo ny hiverenan’ny ministeran’ny fanajariana ny tany tamin’ny fanambarana nataony fa tsy azo kitihina intsony ny toerana efa voafaritra. Toraka izany koa ny hanafoanana ny fifanaraham-piaraha-miasa misy eo amin’ny oniversité-n’Ankatso sy ny kaominina Antananarivo renivohitra amin’ny alalan’ny fanamboarana ireo karazana foto-drafitrasa maro samihafa. Tsiahivina moa fa tanim-panjakana ity hifandroritan’ny mponina monina manodidina ny oniversiten’Antananarivo sy ny oniversite ity. Efa nisy ny trano narodana vokatr’izany ny taona 2017 lasa teo ka manahy mafy ny mety mbola hiverenan’izany indray ireo mponina eny an-toerana.

Pati