Fampianarana

Oniversiten`i Mahajanga Tafapetraka ny filoha vaovao

Fampianarana
Zoma 31 Mey 2019

Tontosa ny fametrahana ny filohan`ny oniversiten`i Mahajanga ka Atoa Dinaraly Odilon Tiandaza no hisahana ny fitantanana ireo fakiolte roa sy toerana fampianarana ambony 4 ao Mahajanga.

Nanambara ny vina hitondrany ny oniveriste Mahajanga izy dia ny fakàna lesona, indrindra manoloana ireo grevy na fanapotehana fotodrafitrasa mba ahafahana manatsara ny hoavy, ny fametrahana ny politikan`ny “relève” eo amin`ireo mpampianatra, izay 50%-n`izy ireo dia maherin`ny 60 taona avokoa, ny fametrahana sy fampiroboroboana ny fiaraha-miasa amin`ny mpiara-miombon`antoka, indrindra ny any ivelany, ny fametrahana fitantanana mangarahara. Ny fampiroboroboana ny lafiny pedagojika sy ny fikarohana, ny fijerena akaiky ireo fotodrafitrasa izay ananan`ny oniveristen`i Mahajanga. Ny fanatsarana ny kalitaon`ny fampianarana dia tokony hojerena manokana sy haingana, hoy hatrany ny fanazavana. Tonga nametraka amin`ny fomba ofisialy ny filohan`ny oniverisite any Mahajanga ny minisitry ny fampianarana ambony sy ny fikarohana ara-tsiansa, Rejo Fienena.

Marigny A.