Fampianarana

Oniversite Toamasina Napetraka tamin`ny fomba ofisialy ny filoha

Fampianarana
Talata 02 Jolay 2019

Ambohipihaonan`ireo avara-pianarana maro lafy sy ireo olom-panjakana isan-tsokajiny notarihin`ny minisitry ny fampianarana ambony Félicitée Rejo-Fienena tao amin`ny oniversite Barikadimy Toamasina ny faran`ny herinandro lasa teo.

Ivon`ny fihaonana ny fametrahana tamim-pomba ofisialy an`i Dr Zafitody Conscient, izay filoha vaovao hitantana ny oniversite. Fanamby apetrany ny famoahana mpianatra vonona hisehatra amin`ny fampandrosoana ny faritra. Mizara enina mazava tsara ny vinany mandritra ny telo taona ka hapetraka ny fanadiovana sy ny mangarahara. Tsy mifanalavitra amin`izay ny nambaran`ny minisitry ny fampianarana ambony amin`ny ezaka hanatsarana ny tontolon`ny fampianarana ambony sy ny kalitaony. Efa napetraka ny sehatra ifanakalozan-kevitra ijrenena ny olana ary hodiovina ny tsy nety teo aloha, hoy ihany izy.

Marigny A.