Fampianarana

Olan’ny fanabeazana Ankizy 5 tapitrisa tsy mianatra intsony…

Fampianarana
Zoma 30 Aogositra 2019

Mahatratra 5 tapitrisa hatreto ny isan’ireo ankizy mpianatra nitsoaka an-daharana an-tsekoly manerana ny Nosy. Ireo mpianatra any ambanivohitra no tena voakasik’izany noho ny halaviran’ny toeram-pianarana sy ny tsy fisian’ny sakafo hohanina.

Hiezaka hamerina azy ireny an-tsekoly ny fitondram-panjakana, raha araka ny kabarin’ny filoha Andry Rajoelina tany Yokohama, Japana omaly mandritra ilay fikaonan-doha ho fampandrosoana an’i Afrika tontosaina any an-toerana na ny TICAD 7 . Ankoatra izay dia nomarihiny fa hotohizana ihany koa ny fizarana tablety ho an’ireo ankizy mpianatra, indrindra fa ireo hiatrika ny fanadinam-panjakana arahin’ny “Kits scolaires”. Nihaona mivantana tamin'ny tale mpanatanteraky ny Tahirin’ny Firenena mikambana momba ny Ankizy na ny UNICEF, Rtoa Henrietta Fore sy ny tale jeneraly vaovaon'ny FAO, Atoa Qu DONGYU omaly ny filoham-pirenena. Nisy ihany koa mandritra izany ny tatitra nataony mikasika ny fiahiana ara-tsosialy ho an’ny mponina toy ny ady hatao tamin’ny aretina kitrotro izay nanaovana fidinana ifotony tany Ambilobe mihitsy, ny ady amin’ny tsy fanjarian-tsakafo sy ny hain-tany any Atsimo. Nomarihin’ny filoha Andry Rajoelina moa fa hohatsaraina hatrany ihany koa ny kalitaon’ny fanabeazana eto Madagasikara hahafahan’ny zanaky ny Malagasy migoka ny tombontsoa azo avy amin’izany.

Pati