Fampianarana

Noho ny fanohanan’ny Japoney Vita ny fanitarana ny EPP Ambatobe

Fampianarana
Alarobia 11 Novambra 2020

Notokanana omaly ireo efitrano fianarana vaovao miisa enina sy birao roa miaraka amin’ny dabilio miisa 150 ho fanampin’ireo telo nisy teo aloha tao amin’ny EPP Ambatobe Zap Tana V, Cisco Antananarivo Renivohitra.

Ho afaka hianatra amin’ny ora feno fa tsy hifandimby maraina sy hariva intsony ireo mpianatra. Tafiditra ao anatin’ilay fandaharanasan’ny fiaraha-miasa Japoney « Dons aux micro-projets locaux contribuant à la sécurité humaine » ny fanatanterahana ity tetikasa ity. Tanjona ny hanomezan’izy ireo tanana ny Filohampirenena Andry RAJOELINA amin’ny fanomezana lanja ny fitoviana sy ny kalitaon’ny fanabeazana eto Madagasikara, araka ny lahateny nataon’ny Masoivoho Japoney SEM Higuchi Yoshiro nandritra ny lanonam-pitokanana. Nanatrika ny lanonana ny Minisitra Sahondrarimalala Marie Michelle izay nisolotena ny filoham-pirenena sy nitarika ireo delegasionin’ny Minisiteran’ny Fanabeazam-pirenena ary ny Ben’ny tanànan’Antananarivo Renivohitra Naina Andriantsitohaina.

Toky R