Fampianarana

Mpino Silamo Tezitra amin�i Paul Rabary

Fampianarana
Sabotsy 29 Aprily 2017

Efa tany amin�ny taonjato fahasivy no nisy teto Madagasikara ny finoana silamo, hoy ry zareo solontena avy eo anivon�ity antokom-pinoana ity, omaly,

tetsy amin’ny Telozoro Andrefanambohijanahary, raha nanazava ny mikasika ny fanambarana nataon’ny minisitry ny fampianarana, Paul Rabary, tany Mahajanga omaly zoma. Tsy nisy olana, hoy izy ireo hatramin’izay fa aty amin’ny taonjato faha-21 aty, tato ho ato dia lasa misy olona mampiely fa loza mitatao ho an’ny fiarahamonina sy ny firenena malagasy izahay silamo. Tsy nety ve ny nandefa taratasy fotsiny ho an’ireo sekoly voalaza ho tsy manara-dalàna dia avy eo manakatona ? Diso raha toa ka sekoly nanao sonia fa hampianatra hanao fanabeazana ankapobeny no nivadika tamin’ny teniny ka lasa tsy nanao afa-tsy fandalinam-pinoana, hoy hatrany ny fanamarihana nataon’ireto solontena ireto. Tsy izay anefa no nitranga fa mazava ny tenin’ny minisitra hoe akatona ny sekoly koranika 190. Amin’io tany Mahajanga, izay hiaraha-mahalala fa fiarahamonina be silamo sady andro zoma no nanaovany fanambarana. Fihantsiana ady izany, hoy izy ireo. Mangataka fihaonambem-pirenena hamahana ny olan’ny finoana sy fivavahana eto amintsika ireto solontena ireto.

Mirija