Fampianarana

Mpianatry ny ENS andiany faha-6 Mihisatra ny fandraisana ho mpiasam-panjakana azy ireo

Fampianarana
Alarobia 21 Oktobra 2020

Nivoaka ny 15 Janoary lasa teo ny ny isan’ireo mpianatra ôfisialy nahavita fianarana andiany fahaenina tao amin’ny sekoly ambony manofana ho mpampianatra na ENS (Ecole Normale Supérieure) etsy Ampefiloha raisina ho mpiasam-panjakana.

Miisa 627 izy ireo saingy ny nahavariana raha araka ny tafa nataon’ireo mpianatra tamin’ny mpanao gazety omaly dia miisa 201 monja no nahazo contrat sy décision avy amin’ny Fitondram-panjakana. Ny 110 mbola eo an-dalam-pikarakarana raha tsy nahazo na inona na inona mihitsy ny 316 isa. Takian’ireto mpianatra nivoaka tao amin’ny sekoly ambony ENS ireto araka izany ny hamoahan’ny fanjakana ny décision sy ny contrat-n’izy ireo farafahatarany amin’ny faran’ny volana novambra ho avy izao. Tsy hanaiky ny hiandry ireo andiany fahafito izahay hoy izy ireo, omaly, tamin’ny alalan-dRamatoa Rabaonomenjanahary Regine, mpitondra teniny. Nomarihin’izy ireo moa fa raha tsy mivaly hatramin’io faran’ny volana novambra io ny fangatahany dia hiantso mpanao gazety hatrany izy ireo hampahafantatra ny olana sedrainy. Miantso ny Filoham-pirenena ihany koa izy ireo mba hijery akaiky ity raharaha fandraisana mpampianatra ho mpiasam-panjakana ity.

Pati