Fampianarana

Mpianatra afaka BACC mendrika indrindra Hotohanan’ny Airtel ny fidirana eny amin’ny oniversite

Fampianarana
Alatsinainy 20 Novambra 2017

Mba hananan’ireo tanora Malagasy ilay toe-tsaina tia miezaka sy mikaroka mandrakariva dia notoloran’ny orinasam-pifandraisana Airtel fanomezana manokana ireo mpianatra 82 mianadahy mendrika indrindra tamin’ny fanadinana Bakalôrea farany teo.

Ireo nahazo “mention tres bien” sy “bien” no tena nahazo tombontsoa manokana manerana ny Nosy. Anisan’ny notsidihan’ireo delegasiona avy amin’ny Airtel ireo lisea eto an-drenivohitra toy ny lisea Jean Joseph Rabearivelo ny faran’ny herinandro teo, notarihin’ny tale jeneraliny Maixent Bekangba. Nambaran’ity farany fa anisan’ny paikady iray hahafahana mampirisika ny mpianatra hilofo amin’ny fianarana hatrany ny fanomezana fanampiana tahaka izao. Ho azy ireo manokana dia ny fiantohana ny saram-pisoratan’anaran’ireo mpianatra eny anivon’ny oniversite no anjara valisoa nomeny, miankina amin’izay safidin’ny tsirairay. Handray ireo mpianatra Malagasy mahay amin’ny fianaran’asa hataony ihany koa ny Airtel aorian’ny fahavitan’izy ireny ny fianarany. Maro ny ezaka efa nataon’ny Airtel teto amintsika momba ny fanabeazana ny tanora. Anisan’ireny ny fametrahana ny bibliobus, ny teknolojia avo lenta eny anivon’ny sekoly...

Pati