Fampianarana

Mpampianatry ny oniversite �Feno ny kapoaka !�

Fampianarana
Sabotsy 20 Mey 2017

Raha voalaza ho niravona ny hetsiky ny mpianatra teny amin�ny anjerimanontolo teny mikasika ny fitakiana ny fampiakarana ny fampitaovana sy ny filam-pikarohan�izy ireo dia ry zareo avy eo anivon�ny sendikan�ny mpampianatra mpikaroka (SECES) kosa indray omaly no nivory hijerena ny dingana tokony hatao hanatanterahana ny fitakian�izy ireo hatramin�ny taona 2009.

Feno ny kapoaka, hoy ny filohan’ny Seces, sampana Antananarivo, satria dia tsy vitan’ny hoe tsy nitazona ny teniny ny fitondram-panjakana fa mbola tadiaviny hohitsakitsahana ihany koa ny maha tany tan-dalàna ny nosintsika. Efa tamin’ny 10 septambra 2015 no nisy fifanarahana natao teny Mahazoarivo fa efa tokony ho notanterahana tamin’ilay volavolan-dalàna santatra 2017 (LFR Initiale 2017) ny didim-pitondrana laharana 2224-2009 mikasika ny fonenan’ireo mpampianatra mpikaroka saingy tsy mbola voavaha izany sy ny olan’ny oniversite. Mbola hisy, hoy ity filoha ity, ny fivoriana amin’ny alarobia izao ary voatery hiroso amin’ny fampiatoana ny fampianarana izahay raha tsy mivaha ny olana.

Mirija