Fampianarana

Moto nifandona tamin’ny fiara 4x4 Naratra mafy ilay talen-tsekoly

Fampianarana
Talata 10 Mey 2022

Niharan'ny lozam-pifamoivoizana teo amin’ny 1 km hidirana ny tanàna misy azy ny Talen'ny EPP ao Ankileisoke Anakafy.

Omaly no nitrangan’izany, 4 km miala ny fari-piadidiam-pampianaran’Amboasary Atsimo . Raha araka ny loharanom-baovao azo dia nifandona tamin’ny fiara 4x4 ny moto nentiny. Vokatr’ ilay fifandonana nisy dia tapaka ny sorony havanana raha simba tanteraka ihany koa ilay moto nentiny.Efa nentina notsaboina eny amin’ny hopitaly moa ity talen-tsekoly ity. Marihina fa mirongatra izaitsizy ny loza ateraky ny moto na kodiaran-droa tato ho ato. Tokony ho malina hatrany araka izany ireo mpamily azy ireny fa ny aina tsy hananan-droa. Mety sy tsara ihany koa raha mandeha mora hatrany.
Nangonin’i Pati
Legende : Tahaka izao no nanjo ilay talen-tsekoly