Fampianarana

Mivoatra hatrany ny ECCOVA Mpianatra 400 mianadahy indray no nahavita fianarana

Fampianarana
Alakamisy 29 Jona 2017

Fahombiazana tanteraka ho an’ny “Ecole de Coupe et Couture Volana” ny fanadinam-panjakana natrehin’ireo mpianany manerana ny Nosy,

tamin’ity taona 2017 ity. 100 % mantsy ny salam-pahafahana, ho an’ireo nianatra momba ny lamaody sy ny zaitra, ary ny fanaingoana ny atin-trano. Teo ihany koa ireo nianatra momba ny kiraro sy ny pôketra. Havoaka amim-pomba ôfisialy tsy ho ela avokoa izy ireo. Ho an’ireo mpianatra eto Antananarivo manokana dia ny zoma ho avy izao no hanatanterahana ny lanonana mifandraika amin’izany, eny Ankadindratombo. 270 mianadahy no indray havoaka. Hisy, mandritra io fotoana io, ny filatroana goavam-be hanehoan’ireo mpianatra ny sangan’asany, ka ho hita mandritra izany avokoa ny karazan-damaody ankehitriny sy ny taloha rehetra. Hisy ihany koa ireo tranoheva manokana hampahafantarana ny asa vitan’ny mpianatra, araka ny fanazavan-dRazanamanalina Volana. Nomarihiny manokana fa efa miomana sahady amin’ny “cours de vacances” izy ireo ankehitriny, izay haharitra roa volana. Ny 3, 4 ary ny 8 jolay ho avy izao no fidirana voalohany.

Pati