Fampianarana

Ministeran’ny fanabeazam-pirenena Tsy maintsy vita ny fandaharam-pianarana

Fampianarana
Zoma 16 Febroary 2018

Betsaka ny fanahiana any anatin’ireo ray aman-dreny amin’izao fiandohan’ny taona 2018 izao mikasika ny mety hahavitan’ny fandaharam-pianarana eny anivon’ny sekoly na tsia.

Mbola tsy tapitra mantsy ny fotoam-pahavaratra hoy izy ireo, ka ahiana indray ny mety hisian’ny fotoana lavalava tsy hianaran’ny mpianatra, indrindra mandritra ny fandalovan’ny rivo-doza. Namaly izany Atoa Tsitoara Serge Thierry, talen’ny teknolojia sy ny fampitam-baovao eo anivon’ny Ministeran’ny Fanabeazam-pirenena omaly. Nambarany fa tsy maintsy vita ny fandaharam-pianarana noho izany tsy tokony hanana fanahiana ny ray aman-dreny. Efa misy amin’izao hoy izy ilay karazana “cours” fanampiny omena ny mpianatra rehetra, indrindra fa ireo hiatrika ny fanadinam-panjakana toy ny CEPE sy ny BEPC ary ny Bakalôrea. Hiarahan’ny Cisco sy ny ZAP ary ny talen-tsekoly sy ny mpampianatra izany, raha araka ny fanazavany hatrany. Ho an’ireo sekoly tena hita fa tsy hahatratra ny fandaharam-pianarana mihitsy hoy hatrany ity tompon’andraikitra ity, indrindra fa ny any ambanivohitra dia tsy maintsy hojerena manokana ireo mpianatra hiatrika ny fanadinam-panjakana.

Pati