Fampianarana

Ministeran’ny fampianarana teknika Hijery manokana ireo tsy mianatra kanefa manana traikefa

Fampianarana
Alakamisy 15 Oktobra 2020

Hijery manokana ireo olona tsy dia afaka firy tamin’ny fianarana nefa manana traikefa sy efa niasa ny Ministeran’ny Fampianarana teknika sy ny fanofanana arak’asa.

Ao anatin’ny fanatanterahana ilay tetikasa manome lanja ny fahaiza-manaon’ny olona iray sy ny traikefa hananany no hanatanterahana izany na ilay antsoina hoe : “validation des acquis de l’expérience”. Hojerena ao anatin’ny fandaharan’asa vaovao ity ny traikefa hananan’izy ireny izay hohatevenina hoy ny Ministra Tsikel’Iankina Ernest. Omena diplaoma izy ireo aorian’ny fiofanana hatrehiny ka ny tanjona dia ny mba hahafahana mampihena na manafoana mihitsy ny tahan’ny tsy fananan’asa eto amintsika, indrindra fa ho an’ireo tanora. Eto Antananarivo, Mahajanga ary Fianarantsoa no hatao fitaratra izay marihina fa mbola hitohy any amin’ny faritra hafa.

Pati