MINISTERAN'NY FANABEAZAM-PIRENENA

Miantso ny Ministra

Fampianarana
Alakamisy 30 Oktobra 2025

hijery ireo tena maharary ny mpampianatra

Tonga nivondrona sy niray feo tetsy amin'ny tokontany malalaky ny Ministeran'ny Fanabeazam-pirenena Anosy omaly Alarobia 29 Oktobra ireo mpanabe mivondrona ao amin'ny MMI ( Mpanabe Manova Ifotony ). Taorian'ny nanendrena ny Ministra mpiahy azy ireo vaovao mantsy dia nahatsapa izy ireo fa tsy olona no olana fa ilay fahaizana mihaino sy mandray an-tanàna ny olan'ny mpanabe mihitsy manomboka eny amin'ny sekoly ambaratonga fototra izany ka hatrany amin'ny Lisea. Tolo-tanana no andrasanay hoy Santa Rakotonomenjanahary, mpandrindra eo anivon'ny MMI dia ny fihaonana mivantana amin'ny Ministra izany. Ankoatra ny fampiakarana ny karaman'ireo mpanabe izay fantatra fa tsy mifanaraka intsony amin'ny vidim-piainana moa dia hangatahin'izy ireo ihany koa ny tsy hanaovana ankilabao azy rehefa misy fakan-kevitra hatao. Ny mpanabe mantsy hoy izy no mampiakatra ny lentan'ny Fanabeazana.
Pati
Légende : Ireo mpampianatra tonga tetsy amin'ny Ministeran'ny Fanabeazam-pirenena omaly !