Fampianarana

Minisiteran’ny fampianarana ambony Notoloran’i India boky miisa 100 000

Fampianarana
Alarobia 15 Janoary 2020

Boky fianarana manodidina ny 100 000 ahitana lohateny 37 no natolotry ny governemanta indiana ho an’ny minisiteran’ny fampianarana ambony sy ny fikarohana ara-tsiansa.

Tamin’ny alalan’ny Ambasadaoron’i India miasa sy monina eto Madagasikara, Atoa Abhay Kumar no nanolorana ireo fanomezana ireo. Ahitana taranjam-pampianarana maro toy ny Matematika, ny fizika simia ary ny siansa ireto boky ireto ary mifandraika tsara amin’ny fampianarana eny anivon’ny ambaratonga ambony. Mitondra fahalalana goavana ary lalana hitondra amin’ny fahombiazana ho an’izay te hahomby ny famakiam-boky, hoy ny ambasadaoron’i India. Ny ivontoeram-pirenena mampianatra ny teny anglisy CNELA sy ny trano fampirantiana sy fampiofanana etsy Tsimbazaza no hampiasa ireto boky ireto ary eo ihany koa ireo trano famakiam-boky eny amin’ny oniversite.

Tsirinasolo