Fampianarana

Partagé sur :
• facebook

Anisan` ireo nisedra olana vokatrin` ny aretina Covid 19 ihany ny mpianatra eto Madagasikara na ireo katikely na koa ireo eny anivon` ny anjerimanontolo. Ho fanampiana ho an` ireto farany dia nisy ny “cotisation”

natao tamin` ireo tale hividianana vatsy ho an` ny mpianatra tafahitsoka eny anivon` ny “campus universitaire” raha ho an` Antananarivo manokana kanefa maro dia maro ny antson` ireo mpianatra milaza fa noana ary mijaly. Misy mantsy ny atao hoe “rubrique” izay mazava tsara eny anivon` ny minisiteran` ny fampianarana ambony sy ny fikarohana siantifika mikasika ny vatsy tokony omena ny mpianatra saingy toa tsy fantatra hoe nankaiza ny vola. Torak` izany ihany koa ny mikasika ny “location et déplacement”afaka nomena ny mpiasa ahafahana manofa fiara sy nanomezana tambin-karama ho azy ireo, hoy ny loharanom-baovao iray. Mahavariana ny toe-javatra toy izao satria dia tsy mipaka amin` ireo mpiasam-panjakana izany “rubrique” manokana izany indrindra amin` izao vanim-potoanan` ny valanaretina izao. Marihana fa tsy mbola miasa ny fiara fitateram-bahoaka kanefa ny mpiasam-panjakana dia miverina miasa avokoa saingy samy manao izay ahatongavany any amin` ny birao ny tsirairaiavy araka ny loharanom-baovao iray. Tsara no manamarika fa ny minisiteran` ny mponina izay kely tetibola indrindra aza dia nanao ezaka fanofana fiara hitaterana ny mpiasa ao aminy kanefa ny eo anivon` ny fampianarana ambony dia tsy toy izany, hoy hatrany ny loharanom-baovao.

Marigny A.

Tia Tanindrazana

Samia mijoro ho an'i Gasikara.