Fampianarana

Maroantsetra Maty teo am-panaovana �Gym bac� ilay tovolahy

Fampianarana
Alatsinainy 22 Mey 2017

Nosembanin-drahona ny adina fanadinana bakalorea ara-panatanjahantena tao Maroantsetra ny zoma teo. Maty tampoka teo am-pahatongavana nanao ny taranja farany 1.000m i Marco 19 taona mpianatry ny sekoly tsy miankina

“La Lumiere” ao Maroantsetra. Ny fanazavana avy any an-toerana no nahalalana fa mbola nahavita tsara ny taranja roa voalohany izy izay tsy hita soritra mihitsy ny olana teny aminy. Noheverin’ny mpitsabo tamin’ny fizahana azy fa mety nihinana na nisotro zavatra manome hery tampoka ireny ny tenany teo am-piatrehana ilay taranja 1.000m, ka izao niteraka fijanonan’ny fony tampoka izao. Raha ny vaovao hatrany dia vitany tao anatin’ny 3mn 21s ity taranja 1.000m ity izay ao anatin’ny naoty tsara tahaka ireo taranja hafa nataony. Taorian’izay dia nampitandrina ireo mpanao fanadinana bakalorea ara-panatanjahantena ny tompon’andraikitry ny sekoly amin’ny fampiasana sakafo na zava-pisotro na fanafody mety mampatanjaka tampoka amin’ny fihatrehana izany.

Rakoutou