Fampianarana

Mandritsara Maty teo am-panaovana EPS ilay mpianatra

Fampianarana
Alatsinainy 15 Novambra 2021

Mpianatra iray ny zoma lasa teo no maty teo am-panaovana ny fanatanjahantena an-tsekoly EPS tany Mandritsara. Rakotoson Jean Luc no anarany, tovolahy vao 17 taona monja,

mpianatra amin'ny lisea Antsaramidola, kilasy faharoa (Classe de 2nde). Zanak'i Jean Ernest sy Soazy avy ao Bandambe ity tovolahy namoy ny ainy ity. Marihina fa teo am-pakana naoty nandritry ny hazakazaka izay nahazoany laharana faha-04 no namoy ny ainy ity tovolahy ity.Ny any ivelany dia misy hatrany ny fizaham-pahasalamana alohan'ny hanaovana ny fanatanjahantena tahaka izao raha tsiahivina. Mbola sarotra anefa izany eto amintsika noho ny tsy fahampiana ara-pitaovana sy ny mpitsabo. Na izany aza andrasantsika ny fanatsarana tokony hataon’ny Fitondram-panjakana.
Nangonin’i Pati