Fampianarana

LISEA ARCADE Hanokatra oniversite lehibe

Fampianarana
Alarobia 28 Aogositra 2019

Ela ny ela fa tonga amin’ny tanjona niriany hanampy ireo tanora Malagasy hiakatra eny amin’ny anjerimanontolo ny lisea Arcade, tarihin-dRatoejanahary Bruno.

Hanokatra oniversite manara-penitra izy ireo manomboka amin’ity taom-pianarana vaovao 2019-2020 ity ka etsy Andravoahangy ambony no ahitana izany. Amin’ny volana novambra no hanomboka handray mpianatra ny sekoly, ahitana lalam-piofanana miisa dimy. Anisan’ireny ny gestion économie, ny langue étrangere appliquée, ny journalisme communication, ny informatika ary ny agronomie. Raha araka ny fanazavan-dRatoejanahary Bruno dia efa ara-dalàna avokoa ny taratasy ara-panjakana hahafahan’izy ireo misokatra tohanan’ireo mpampianatra voky traikefa sy manana ny maha izy azy. Karazana mari-pahaizana telo kosa no hatolotr’izy ireo ny mpianatra aorian’ny fahavitan’ny fianarana dia ny licence sy ny master ary ny doctorat izay takian’ny rafitra LMD.

Pati