Fampianarana

LISEA ANALAVORY Nosoloina ny provizera

Fampianarana
Alatsinainy 20 Mey 2019

Nivaha tanteraka ny olana eo anivon’ny Lisea Analavory. Taorian’ny fitokonana notanterahin’ireo mpampianatra sy mpianatra ao amin’ity lisea iray ity, herinandro mahery lasa izay dia nalan’ny tompon’andraikitra tamin’ny toerany ilay provizera tao an-toerana ka ny lefiny no nakarina handray ny asany.

Niverina nianatra avokoa ireo mpianatra ny herinandro lasa teo. Mbola hetahetan’izy ireo hatrany ny tokony hanohizana ireo hetsika fitadiavam-bola sahaniny hahafahana manitatra ny fotodrafitrasan’ny sekoly. Anisan’ireny ny fananganana kianja filalaovam-baolina hahafahan’ireo mpianatra manao fanatanjahantena am-pilaminana. Toraka izany koa ny fanitarana ny sekoly hahafahana manampy ireo ray aman-dreny maniry ny mbola hampiana-janaka eo anivon’ity lisea iray ity. Mbola tokana ihany mantsy hatreto ny lisea ao Analavory nefa an’arivony ireo zana-bahoaka tokony hanovo fahalalana ao aminy. Miantso ny fitondram-panjakana ihany koa izy ireo mba hifanome tanana aminy.

Pati