Fampianarana

ISPM Antsobolo Voka-pikarohana 200 aranty eny amin’ny Carlton

Fampianarana
Alarobia 02 Aogositra 2017

Voka-pikarohana manodidina ny 200 isa nanomboka omaly no hampirantian’ireo mpianatry ny sekoly ambony « Institut Supérieur Polytechnique de Madagascar » etsy amin’ny Carlton Anosy.

Voka-pikarohana tsara indrindra tamin’ireo 400 nampahafantarina ny olona nandritra ny varavarana misokatra nokarakarain’izy ireo farany teo teny Antsobolo izy ireo raha araka ny fanazavan-dRazafindrahety Aimée, mpiandraikitra ny lafiny ara-bola eo anivon’ity sekoly ambony iray ity. Anisan’ny tena nahavariana ireo mpitsidika nandritra izany ny fisian’ilay karazana borety misy môtera sy kodiarana efatra voka-pikarohana notanterahin’ireo mpianatra ao amin’ny taona voalohany ao amin’ny lalam-piofanana Electronique. Vitan’io boreta io ao anatin’ny ora iray mantsy ny asa hataona olona iray ao anatin’ny tapak’andro, raha araka ny fanazavan’i Fafah ao anatin’ny vondron’ny mpianatra nanatanteraka ity voka-pikarohana iray ity. Toraka izany koa ilay « usine simulator » izay manampy amin’ny fibatana entana eny anivon’ny orinasa ihany koa. Marihina moa fa misy ny fandraisan’ireo orinasa maro isa-tsokajiny ny antontan-taratasin’ireo tanora mpianatra mitady asa mandritra izao salon izao izay hifarana anio Alarobia.

Pati