Fampianarana

Holafitry ny sekoly ambony mpampianatra ho mpitsabo Hanenjika ireo sekoly tsy ara-dalàna

Fampianarana
Zoma 22 Septambra 2017

Iray volana lasa izay no tafatsangana teto amintsika ny holafitry ny sekoly ambony mampianatra ho mpampivelona sy ho mpitsabo.

Nandritra ny fivoriana notanterahin’ireo sekoly ambony miankina sy tsy miankina amin’ny fanjakana manana fahazoan-dalana avy amin’ny minisiteran’ny fampianarana ambaratonga ambony no nahafahana nanangana azy. Efa eo am-pandrafetana izay ho mpikambana eo anivon’ny birao maharitra ao anatin’ny holafitra izy ireo ankehitriny hahafahana mitsinjo ny tombontsoan’ireo sekoly ambony ara-dalana, raha araka ny fanazavan-dRasolonatoandro Mampionona, mpikambana eo anivon’ny holafitra. Ireo sekoly tsy ara-dalàna dia manembantsembana ny fisiany satria iretsy voalohany indray no mandrafitra ny lalàna hifehy ny oniversite ara-dalàna rehetra eto Madagasikara. Na eny am-panaovana fianarana asa ( pratique ) aza dia tafiditra ny mpianatr’izy ireny izay tena misy fepetra be dia be tokoa ny fahafahana mandray anjara amin’izany. Tsy hijanona eo intsony anefa ny tantara, satria hisy ny fanenjehana azy ireny sy ny fanadihadiana hatao toy ny hoe : kolikoly avy aiza no hahafahany mandray anjara amin’izany satria ain’olona no lalaovina.

Pati