Fampianarana

Hiverina hianatra ny mpianatra Feno ny fepetra, hoy ny minisitera

Fampianarana
Sabotsy 04 Novambra 2017

Feno tanteraka ny fepetra hahafahantsika mampiditra indray ireo zanatsika hianatra amin’ny alatsinainy 6 novambra, indrindra ireo sekoly niato noho ny antony efa fantatsika,

hoy ny talen’ny serasera eo anivon’ny minisiteran’ny fanabeazana, Tsitoara Serge Thierry. Efa mitsangana eny amin’ny sekoly ny antsoina hoe “Comité de vigilance”, ny “sale d’isolement” ary misy ny fampahafantarana ny tokony hatao manoloana ny pesta. Efa misy ihany koa ny fametrahana ny fitaovana toy ny fitsapana hafanana, ny fonon-tanana, fanarahana an-tsakany sy an-davany ny fepetra napetraka. Inona no hatao mialoha ny hidiran’ny mpianatra ? Inona no hatao raha misy olona voa ? Raha manaraka ny fenitra izay napetraka ny sekoly tsirairay dia mino izahay fa kely dia kely ny herijika hisian’ny aretina. Amin’ny alatsinainy 6 novambra dia hisokatra daholo ny fampianarana manerana an’i Madagasikara fa misy fepetra tandrovina mialoha. Hiova kely ny tetiandrom-pampianarana ho an’ireo ZAP sy CISCO voakasiky ny valanaretina fa ny fanadinam-panjakana kosa dia tsy miova ny daty.

Toky R