Fampianarana

Hetsiky ny SECES nasionaly Tsy nanotrona ny sampana Antananarivo

Fampianarana
Sabotsy 27 Janoary 2018

Nanambara tamin’ny fomba ofisialy teny amin’ny oniversiten’Antananarivo eny Ankatso omaly ny avy eo anivon’ny sendikan’ny mpampianatra mpikaroka manerana ny nosy na ny Seces nasionaly fa efa

afaka nisitraka ireo zo aman-kasin’ny mpampianatra mpikaroka sy mpikaroka mpampianatra voafaritry ny didim-panjakana 2009-1214/1215/1216 izy ireo ary mbola manantena ny fitohizan’ny fifampidinihana amin’ny fampiharana ny ampahany ao amin’ny andininy faharoa ao amin’ny didim-panjakana 2009 – 2015, sy ny famahana ireo olana ara-tany manerana ny anjerimanontolo sy ny tobim-pikarohana eto amin’ny firenena. Melohin’ny Seces koa ny fikasihan-tanana mpampianatra toy izay nitranga tany Mahajanga farany teo ary miantso ny tompon’andraikitra mba handray fepetra. Nohamafisin’ny sendika ihany koa fa ny filankevitra nasionalin’izy ireo ihany no afaka manala olona tsy ho mpikambana ao anaty sendika. Tsy nisy tazana nandritr’ity fihaonana ity moa ny solontena avy amin’ny Seces Tana.

J. Mirija