Fampianarana

�Gym Bac� teny Mahamasina Tovovavy mpiadina iray no bevohoka

Fampianarana
Talata 30 Mey 2017

Nanomboka omaly alatsinainy 29 mey tetsy amin�ny kianjaben�i Mahamasina ny adina ara-panatanjahantena Bakal�rea ho an�ireo sokajy A2 avy eo amin�ny foibem-panadinana lisea Andohalo sy Nanisana samy ao anatin�ny kaominina Antananarivo Renivohitra.

Tamin’ny 6 ora maraina dia efa rakotra mpiadina tao amin’ity kianja iray ity, natrehin’ny ray aman-dreny sy ny namana. Tamin’ny 7 ora kosa no nanomboka ny adina. Tovovavy mpiadina iray no naratra rehefa nanatanteraka ilay hazakazaka lavitr’ezaka 100 metatra raha tovovavy iray ihany koa no bevohoka ka navadiky ny tompon’andraikitra hanatevin-daharana ireo mpanao teoria avy hatrany. Araka ny fanadihadiana natao dia mahatratra 74.550 ny isan’ireo mpiadina voasoratra anarana hiatrika ity adina ara-panatanjahantena Bakalôrea ity ho an’ny eto an-drenivohitra. Miparitaka amina foibem-panadinana miisa dimy izy ireo ary kianja lehibe miisa efatra kosa no mandray azy. Hatramin’ny omaly folakandro dia nahatratra enina ireo mpiadina tsy tonga tetsy amin’ny kianjaben’i Mahamasina izay fantatra fa mbola azo raisina ihany raha mitondra taratasy fanamarinana avy amin’ny dokotera na antony hafa toy ny tsy fahazoany ny taratasy fiantsoana ara-potoana. Tsiahivina fa tsy misy ahiana ny momba io tovovavy mpiadina iray naratra io. Efa noraisin’ny dokotera an-tanana rahateo ny fikarakarana azy.

Pati