Fampianarana

Fiverenan-dakilasy Malalaka hanapa-kevitra ny sekoly tsirairay

Fampianarana
Talata 25 Aogositra 2020

Andro sisa no isaina dia higadona ny fanadinam-panjakana. Izany hoe fotoana ny famerenan-desona izao ho an` ireo mpiadina na an-trano izany na an-tsekoly.

Manoloana izany dia nanome alalana ho an` ireo sekoly rehetra ny minisitry ny fanabeazam-pirenena raha tena ilaina ny fampiakarana ireo mpianatra an-tsekoly na tsia momba ny famerenan-desona. Torak` izany ihany koa ho an` ireo mpianatra tsy manala fanadinana. “Misy DREN nahavita programa satria tsy mitovy ny fepetra noraisina isaky ny faritra. Samy mandanjalanja ny fiverenan` ny mpianatra an-dakilasy ireo sekoly samihafa. Misy no misafidy mandefa lesona mifanaraka amin`ny teknolijia. Omena alalana ireo sekoly hamerina ireo zaza any an-tsekoly raha ilaina izany. Ho an` ireo mpianatra tsy manala fanadinana kosa dia tsy miova ny tetiandrom-pampianara izay didim-pitondrana noraisin` ny MEN 21 aogistra 2019. Manaraka izany ny sekoly tsirairay ka anjarany no manapaka izany”. Ho an` ny sekoly tsy miankina iray etsy Itaosy ohatra dia miverina an-dakilasy anio ireo mpianatra hanala CEPE ary mianatra maraina hatramin` ny hariva mihitsy ireo katita kely satria enina andro sisa ny hiomanana izany raha ny tetiandro navoakan` ny fanjakana ho an` ny faritra Analamanga.

Marigny A.