Fampianarana

Fitokonana eny amin’ny oniversite Hanatevin-daharana ny Seces ny mpianatra anio

Fampianarana
Alarobia 04 Desambra 2019

Nanentana ny mpianatra rehetra sy ireo departemanta misy eny amin’ny oniversiten’Antananarivo omaly ny filohan’ireo

fikambanan’ny mpianatra mpikaroka mba ho tonga etsy amin’ny Esplanade Ankatso anio hiatrika ny fivoriambe fampahafantarana ny zava-misy eny amin’ny anjerimanontolo. Tsy hametraka intsony ny hoe ampiakaro ilay vatsim-pianarana izahay, hoy ny mpitondra teny Taguê Ratianarivo, fa mangataka fandrindrana ny fizarana izany mba hisy tetiandro mazava ahafantaran’ny mpianatra ny fotoana tokony hiakarany aty am-pianarana, indrindra, ireo any amin’ny faritra. Mifandray ny hetsikay sy ny an’ny Seces satria mila mianatra izahay, hoy ireto mpianatra ireto. Te hianatra ny mpianatra ka mangataka ny hamahana ny olana haingana satria matiantoka sy lany vola ny zana-bahoaka, indrindra, ireo avy any amin’ny faritra.

J.Mirija