Fampianarana

Fikambanan’ny mpianatra Normaliens Mitaky ny fijerena akaiky ny sehatra fanabeazana

Fampianarana
Alatsinainy 21 Janoary 2019

Nanao fanambarana ny fikambanan’ny mpianatra normaliens SONOSE/MADA nandritra ny fihaonamben’izy ireo tamin’ny faran’ny herinandro lasa teo tetsy amin’ny ANS Ampefiloha.

Nanentana ireo olona rehetra nivoaka tamin’io sampam-pianarana io izy ireo hiditra hanatevin-daharana ny fikambanana. Nitodika tamin’ny filoham-pirenena vaovao ihany koa izy ireo ny hamaritra mazava tsara ny anjara toerana manokana ho amin’ireo mpianatra mahavita fianarana ao amin’ny ivontoeram-pampianarana. Tokony hijery akaiky ny sehatra fanabeazana ny olom-pirenena ny filoha, hoy izy ireo satria ny fanabeazana no kitro ifaharan’ny fampandrosoana. Ilaina ny fandaminana sy ny fijerena ny tombontsoan’ny mpianatra sy ny mpampianatra ary tsy tokony hiverina intsony ireny olana maro niteraka grevy ireny.

Tsirinasolo