Fampianarana

Fidiran’ny mpianatra Misafidy izay daty tiany ny sekoly tsy miankina

Fampianarana
Alatsinainy 07 Septambra 2020

Efa miditra avokoa ny ankamaroan’ny sekoly tsy miankina, dia ireo manaraka ny fandaharam-pianarana Frantsay sy Anglisy.

Afaka manapaka ny fidirana sy fandaharam-potoanany ny sekoly tsy miankina. Ho an’ny miankina amin’ny fanjakana kosa, dia ny 26 oktobra no miditra mianatra ireo amin’ny fanabeazana fototra sy ny ambaratonga faharoa, afatsy ireo kilasy famaranana satria misy tanterahana ny 19-25 oktobra ny fanadinana bakalorea, raha ny fanazavan’ny Filoham-pirenena omaly. Ho an’ny teknika kosa dia aorian’ny fifaninanana hidirana ao aminy ny 1-2 oktobra no ho tapahana ny daty . Nisy ny fifampidinihana tamin’ny mpampianatra mpikaroka sy ny minisitera, ho an’ny Ambaratonga ambony, hoy ny filoha. Tsy hisy ny taona fotsy, fa ny fanapahan-kevitra, dia ny 02 novambra no hisokatra ny taom-pianarana 2019-2020.. Tokony efa hisokatra avokoa ny lalam-pirenena amin’io fotoana io. Amin’ny taona ho avy ny fidirana ho an’ireo afaka bakalorea amin’ity taona ity.

Toky R sy Marigny A