Fampianarana

Fidiran’ny mpianatra Manao tolotra fampindramam-bola ny BNI

Fampianarana
Alarobia 28 Aogositra 2019

Efa tadifitra tanteraka ao anatin’ny fanomanana ny fidiran’ny mpianatra ireo ray aman-dreny isan-tsokajiny ankehitriny.

Betsaka ireo sahiran-tsaina manoloana izany, antony nanosika ny banky BNI hanampy azy ireny. Nampahafantatr’izy ireo ny mpanao gazety omaly ny fisian’ilay tolotra findramam-bola “credit fianarana”. Efa nanomboka tamin’ny alatsinainy 26 aogositra ary tsy hifarana raha tsy amin’ny fiandohan’ny volana novambra ho avy izao. Vola hatramin’ny 5 tapitrisa Ar no ho azo alaina, azo averina ao anatin’ny telo ka hatramin’ny 10 volana. 12 % monja ny tahan-jana-bola alain’ity banky ity, hoy Rtoa Manoa Elia Rasandiniaina, tompon’andraikitra ara-barotra ao an-toerana sady tafavoaka ao anatin’ny 24 ora ihany koa ny vola hindramina. Kara-panondrom-pirenena ihany no ilaina. Ho an’ireo ray aman-dreny mandray anjara feno amin’izany dia afaka manao ilay tombola izay mety hahazoany saram-pianarana maimaim-poana ao anatin’ny 12 volana ho an-janany izy ireo. Toraka izany koa ny fahazoany ireo karazana goodies toy ny kitapo, ny trousse,…. misy ny anaran’ity banky iray ity.

Pati