Fampianarana

Fiatrehana ny fidiran’ny mpianatra Efitranon-tsekoly vaovao 606 no naorina

Fampianarana
Talata 03 Oktobra 2017

minisiteran’ny fanabeazam-pirenena manamboatra efitranon-tsekoly vaovao raha araka ny fanadihadiana natao. Manodidina ny 1.000 eo ho eo izany raha araka ny fanazavan-dRamatoa Bakolinirina Fanja Hortensia,

Miezaka hatrany isan-taona ny tale miandraikitra ny fotodrafitrasa eo anivon’ity minisitera iray ity ka ho an’ny taona 2017, ohatra, dia efitranon-tsekoly miisa 606 no efa vita hatramin’ny volana jona lasa teo. Ny faritra Avaradrano no tena nahazo betsaka. Ankoatra izay, efitranon-tsekoly miisa 452 ankehitriny no efa hasiam-panarenana toy ireo nanana varavarankely nirodana. Tao koa ireo efitranon-tsekoly miisa 481 nianjera vokatry ny fandalovan’ny rivodoza Enawo farany teo, asa vao manomboka mandeha ka ny faritra SAVA sy Analanjirofo no tena voakasika. Nomarihin-dRamatoa Bakolinirina Fanja Hortensia moa fa miankina amin’ilay “carte scolaire” hatrany no hahafahan’izy ireo mampitombo ny efitranon-tsekoly any amin’ny faritra tsirairay avy. Io ihany no hahafahana mamantatra fa maro ankizy mpianatra ao amin’ny fokontany iray nefa zara raha misy ny efitranon-tsekoly handraisana azy ireo. Omaly no niditra tamim-pomba ofisialy ny mpianatra rehetra manerana ny Nosy. Na izany aza anefa dia nofoanana ny fidiran’ny mpianatra amim-pomba ofisialy noho ny fisian’ilay aretina pesta izay voalaza fa efa namono olona 24 hatreto manerana ny Nosy.

Pati