Fampianarana

Fiatrehana fidiran’ny mpianatra Hizara kopia ny boriborintany I

Fampianarana
Zoma 14 Septambra 2018

Mandritra ity volana septambra ity ka hatramin’ny volana novambra dia hanatontosa hetsika fizarana kopia sy fanamarinam-pahaterahana ny avy eo anivon’ny Boriborintany voalohany,

raha ny fanazavan’ny lefitry ny boriborintany, Heriniaina Razafindrakoto. Ho fanampiana ny ray aman-drenin’ny mpianatra no antony satria ireo no antontan-taratasin’ilay zaza hiditra hianatra voalohany, hoy ny fanazavana. Tsy mitarazoka be toy ny teo aloha intsony ny fakana ireo taratasy fa efa vita ao anatin’ny 1 andro ny kopia ary eo no ho eo ny biletam-piterahana. Nisy ny fandaminana vaovao eo amin’ny fomba fiasa eto amin’ny birao eto Analakely ary ireo izay teraka taty aorian’ny taona 2000 rehetra dia efa ampiasana solosaina daholo raha toa ka sora-masinina kosa no hamoahana ny taratasin’ireo teraka talohan’izay.

J. Mirija